طريقة عمل خبز ازبكستان بالصور
المقادير ياحلوات:
500 مل حليب يعني حوالي 3 كوب من الأكواب المعيارية
75 جم زبدة يعني 3/4 اصبع
م ك سكر
م ص ملح
م ك خميرة انا حطيت معلقة ونصف
دقيق حسب الخليط
الطريقة
نسخن الحليب ثم نضيف له الملح والسكر والزبدة ونترك الزبدة تسيح ثم نخلي الحليب يبرد يعني يكون فاتر
ودا شكله
ثم نضيف الخميرة ونتركها عشر دقائق حتي تتفاعل
ثم نضيف الدقيق واحدة واحدة بحيث تكون العجينة لينة وطرية
ونعجن ذي ما إحنا عارفين كويس جدا انا عجنتها حوالي عشر دقائق
ودا بعد التخمير
ثم تقطع
وتفرد ونحاول نفردها من الوسط فقط مع ترك الأطراف مرتفعه
والصراحة هما بيستخدموا قوالب خاصة لتشكيل الخبز
ودا شكلها
وأكيد ده مش عندي فقعدت افكر بايه استبدله فكرة تجبني وفكرة توديني
تابعوا معي عشان تشوفوا طريقة التشكيل
فكرت ف الأدوات دي
يعني نضغط ف وسط العجين بالأشكال السابقة والمقص قصيت به اطراف العجين
والصور توضح
ثم نتركها تختمر بعد التشكيل
وندهن الوجه بصفار البيض مخلوط مع نقطة حليب ويخبز ف فرن حار
واعذروني فهذة اول مرة أعملة ولكن طعمة لايقاوم
ممكن تاكليه لوحدة ومع الجبن لذيييييذ وكذلك مع القشطة والمربي
الصراحة حبيتة جدا جدا
تابعوني نشوفة م الداخل
شوفوا م الداخل هش وخفيف جدا ياسلام علية
وده شكله م الخلف مطبوع علية الورده
وهنا قدمته مع الجبن واللبنه والمربي
نسيت اقولكوا لازم نخرم الوسط بالشوكة عشان مش ترتفع
ودا شكل الخبز الازبكستاني ودا شغل مصانع طبعا وانا علي قد حالي
أتمني الموضوع يعجبكوا
في رعاية الله وامنه
والحمد لله الذي أطعمنا وسقانا وكفانا فكم ممن لا كافي له ولا مأوي
الخميس 21 يونيو 2012, 4:10 am
